By MR10 ساره نزلت دموعها بوجع وقالت…انت لو كنت هين عندي ما كنتش اتوجعت بالشكل ده… زعلان اني زعلتك يوم فرحك طب وانا فكرتش فيا لما دخلت وقالت انها حامل منك قالت قدام كل الناس انها حامل من جوزي ما فكرتش في منظري خالص طب ما فكرتش في قلبي اللي اتك*سر مية حته…وبصت بعيد عنه وسمحت لدموعها بالنزول وقالت… سيبني في حالي اليومين دول مش قادره استحمل.. سهله قوي اقول لك اني نسيت ماضيك واني ما بقيتش افكر فيه بس مش سهله ابدا اني الاقي ماضيك واقف قدامي 24 ساعه وبيثبت لي قد ايه كنتم قريبين من بعض
قرب منهاوقال بدموع….اقسم بالله انا زعلت عليكي اكتر من نفسي.. انا بحبك و نفسي افضل جنبك عاقبيني باي طريقه غير انك تخليني بعيد عنك خلينا سوا واعملي اللي انت عايزه هقبل اي عقاب منك يا ساره
…والله رندا مجرد ماضي انا من اول ما قلبي دق وانا مش بفكر غير فيكي يا بنت خالي انتي عارفه انك عـ,,ــــشقي الوحيد
ساره بعدت بضيق وقالت… لو كنت عـ,,ــــشقت كنت استنيتني ما كنتش هتروح ترمرم هنا وهنا ما تظلـ,,ــــمش العـ,,ــــشق معاك
وحيد اتنهد وقعد على السرير وقال ..يعني مش هنتفاهم
ساره قالت بغضب… اظن اننا تفهمنا وقلت لك تطلع من هنا أو افتح الباب وانا هطلع
وحيد بقى يبدل هدومه وقال بضيق… براحتك يا ساره ما سبتليش اختيار تاني…. وقرب منها وبص لعيونها جامد وقال بتحذير… مش هسمح لاي حد ياخدك مني بعد ما بقيتي ليا ولا حتى انتي يا ساره انتي مراتي عاجبك تمام مش عاجبك وقلتي عقلك هتشوفي واحد عمرك ما عرفتيه يا ساره مش وحيد نهائياً
ساره بلعت ريقها بارتباك من التحذير اللي خوفها بس اتجاهلت شعورها وقالت بغضب… افهم من كده انك مش هتطلع من هنا
وحيد قال.. تؤ مش هطلع
ساره قالت بغيظ تمام هات المفتاح خليني امشي انا
وحيد شدها من ايدها بقوه بقت بين ايديه وبص لعيونها جامد وقال …انا حايش نفسي عنك بالعافيه ما تخلينيش اتغابى عليكي هتتعبي وانا ما يهونش عليا
ساره بقت تحاول تبعده وقالت….سيبني يا وحيد بقول لك مش هقعد معاك في مكان واحد وبقت تزقه بس مسبهاش وقال.. الاول ما كانش ينفع لقربلك دلوقتي لما بقيت في عصمتي عايزه تحرميني منك كمان مش هتقدري المره دي يا ساره
و لسه هتتكلم قرب منها بقوه..
ساره بقت تحاول تقاوم بسمدهاش فرصه لحد ما نزلت دموعها واستسلمت بين ايدي
بعد عنها وبص لعيونها اللي مليانين دموع ومسح دموعها وقال بابتسامه… اصعب ما عليا دموعك يا ساره اقسم لك بالله بتحرـ,,ــــق قلبي من جوه
بعدت من بين ايديه وقالت بحزن…. اذا فعلا دموعي تهمك خليك بعيد عني انت مبقتش تجيب لي غير الوجع …وقعدت على السرير بحزن
وحيد اتنهد بغضب مكبوت وقال …ماشي يا ساره تعالي عليا قد ما تحبي بس لازم تعرفي اني مش هغير رايي ومش هسيبك لدماغك ..واخذ هدوم وراح على الحمام وهو بيقول بغضب… كنت عارف ان الجواز نكد بس ما توقعتش يبقى من اول يوم ايه الحظ ده
ساره قعدت بغيظ شديد على السرير وكل شويه تفتكر وقت ما لقيتهم مع بعض في الاوضه
بعد شويه خرج من الحمام وهو بيصفر بهدوء
ساره وقفت وقالت بغضب.. انت هتفضل حابسني يعني ولا ايه افتح الباب يا وحيد
وحيد قال بلا مبالاه… ولو فتحته هيحصل ايه يعني هتخرجي
ساره قالت بغضب… ايوه هخرج
وحيد ابتسم وقال….طب مش لما ندخل الاول تبقي تخرجي
ساره قالت… ده بعينك روح للهانم بتاعتك زمانها يا حرام مش لاقيه حد معاها
وحيد ضحك وقرب عليها وقال …بس انا عايز اكون معاكي انتي وبس
ولسه هيقرب دفعته وقالت…. انا قربي خلاص بقى فاكهه متحرمه عليك انا كلي عل. بعضي ما بقتش ليك يا وحيد
وحيد قال بمشاكسه..يا بختك كلك على بعضك..انا مش على بعضي ..مش على بعضي خااالص
قالت بغيظ…وحيد اتلم
وحيد اتنهد وقال…ماشي..بس يكون في علمك انا مش هرتاح غير لما ارجع اخليكي ليا …انا عاشق ومش هستسلم خصوصا لو المشوار اخره انت
ساره ارتبكت من نظراته وكلامه وبعدت عنه وقالت ….خد راحتك انا هستنى لحد ما تمل وانت بنفسك هتنهي العلاقه دي
وحيد ابتسم بهدوء وقال…دي احلام العصاري يا قلبي… انا وانتي مش هيفرقنا غير المـ,ـوت..يعني يتجيبي اجلي يأجيب اجلك
ساره قالت بغيظ ….ان شاله قريب
وحيد قال بمنتهى البرود… انا مش هيهمني لو على اديكي
ساره نفخت بضيق وقعدت على الكنبه اللي في الاوضه وهو كان قاعد على السرير شاور جنبه وقال … بت يا ساره… يلا بقى…وغمز بعينه ناحيه السرير جنبه
ساره بصتلو باستغراب وقالت …في ايه
وحيد كرر نفس الحركه وقال … ما تعمليش عبيطه بقى
ساره بصتلو باستغراب وغمزت زيه بضيق وقالت.. هو ايه اللي كده يعني ماله السرير مش فاهمه
وحيد مسح على وشه بخنقه من غبائها وقال… سوسو يعني ..احم في حاجه نسينا ما نعملها كده امبارح حاجه كل العرسان بتعملها يا روحي
ساره اتنهدت لما فهمت قصده وقالت بضيق…اااه…ويا ترى هما فين العرسان دول
وحيد قال بسرعه …احنا يا روحي مش انا عريس وانتي عرسه
بصتلو بدهشه بس قال بسرعه… قصدي عروسه …عروسه وزي القمر كمان يا حبيبتي
يعني خلينا بقى نتدلع…. وقرب عليها على الكنبه وقال …ده انا مولع
بس قبل ما يقرب منها نطت من على الكنبه وهو وقع عليها واتخبط في دماغه
حط ايده على جبينه بالم وقال…ااااه حسبي الله
ساره ضحكت جامد وقالت…. احسن عشان نيتك مش سالكه
وحيد قال بغيظ…. نيتي مش سالكه… يا بت امبارح كان افرحنا ودفعت دم قلبي وعيوني طلعت كل الفتره دي عشان نقعد اخوات كده طب ما احنا كنا قاعدين اخوات
ساره قالت بضيق… والله لو كنت نفس الشخص اللي اتجوزته مكناش هنقعد اخوات لكن انا اتجوزت وحيد مش انت
وحيد قال بدهشه …ما انا وحيد هو انا غيرت اسمي ولا ايه
ساره قالت بسرعه وتريقه لا يا قلبي ما تقولش على نفسك كده وحيد ازاي بس انت دلوقتي عندك حبيبه وجاي لك ولد خلاص ما بقتش وحيد ..وانا اديت رسالتي واطمنت عليك ..يبقى زي ما دخلنا بالمعروف نخرج بالمعروف
وحيد قرب منها بخبـ,,ــــث وشالها فجاه بدون مقدمـ,,ـــات وجري بيها وهو بيقول… انا قلت لك هخرجك بالمعروف بس بعد ما ندخل بالمعروف الاول ورماهاها على السري
ساره حاولت تجري بس منعها وهو بيقول…يا بت اهدي انا جوزك يا عبيطه…وانبي في حاجه همـ,ـوت واشوفها
ساره ضر*بته في صدره بغضب وقالت… بقول لك ابعد عني و
بس سكتو هما الاثنين لما سمعوا خبط على الباب وحيد اتنهد وبعد عنها بغيظ وقال… ارتحتي كده
ساره قالت بعند …ايوه مرتاحه جدا
وحيد ضر*بها بالمخده وقام وقال …ماشي انا هعرف اريحك كويس الصبر طيب
وبقى يساوي شعره وراح فتح الباب كانت والدته وقالت بخوف …وحيد يا ابني تعالى معايا بسرعه البنت اللي جات امبارح دي تعبانه قوي واتصلنا لها بدكتوره
وحيد قال بقلق…. يا خبر طيب يلا بينا وطلع معاها بسرعه
ساره سمعتهم وسحبت قميص بتاعو من دلابه وجريت وراه وقالت بغضب… استنى هنا ورمت القميص في وشه وقالت خذ استر نفسك هتروح لها مل،ط كده
وحيد بص لها بذهول من افكارها
وامه ضحكت جامد بص لامه بغيظ وقال… بتضحكي على الخيبه اللي ابنك فيها…و لبس القميص بسرعه وقفلوا لحد رقبتو وقال حلو كده نخف جنان بقى ها
امه قالت بضحك …فيه ايه بس ساره خايفه عليك عضلاتك تاخد برد من التكييف ولا حاجه
وحيد اتنهد بخنقه منهم وجري على اوضة رندا ساره ضر*بت رجلها في الارض بغيظ وقالت… خايف عليها قوي ربنا يصبرني على الوضع ده وراحت وراه
وحيد دخل لقى راندا بتتألم جامد قرب من الدكتوره وقال مالها يا دكتوره
الدكتوره قالت …حملها صعب شويه المفروض تعمل شويه فحوصات وهكتب لكم على شويه ادويه وشويه تحاليل لازم تعملها وان شاء الله خير
و كتبت الروشته ومشيت
وحيد وقف عند السرير وقال بضيق سلامتك يا راندا …خلي بالك على نفسك اكتر وما تمشيش كثير
رندا بصت له بدموع وقالت.. خوفت عليا يا وحيد
وحيد اتنهد بخنقه وقال… اكيد هخاف عليكي انتي شايله ابني خلي بالك اكثر من كده
رندا قالت بحزن…. طب اقعد جنبي انا خايفه اخليك معايا لو سمحت يا وحيد
وحيد لسه هيتكلم شاف ساره واقفه عند الباب بدموع حاولت تظهر القوه وقالت..احم ..سلامتك اسيبكم انا تاخدوا راحتكم عن اذنكم