صدمة سارة الحزينة

قالت كده ومشيت بسرعه وقلبها بينزف حرفيا
بقلم…زهرة الربيع
وحيد غمض عنيه بحزن واتنهد وقعد شويه جنب رندا

ساره كانت هتروح اوضتها بس كانت متضايقه جدا ومخنوقه راحت على اوضه مخصصه للرياضه هي بتحب الرياضه جدا وبتمارسها كل ما تكون مخنوقه

طلعت على الاله بتاعة المشي وبقت تجري عليها بسرعه وهيه بتفتكر وقت مارندا جات  في الفرح ووقت ما شافتها وهي معاه ووقت ما مسكت ايده دلوقتي نزلت دموعها بالم شديد

قفت الاله وهي بتنهج بدموع ولسه هتنزل من عليها اتفاجأت بوحيد وقف معاها على وبقت قدامه  حط ايديه على ايديها اللي ماسكه بيها المق*بض وفتح الاله على سرعه بطيئه بقوا يجروا سوا عليها وقال بحزن …ليه بتعملي في نفسك كده ليه تهتمي بحاجه مش موجوده في قلبي اصلا

ساره  قالت بدموع …واضح انها مش في قلبك عشان كده جريت على مالا وشك اول ما عرفت انها تعبانه

وحيد اتنهد وقال…. ده ابني اللي في بطنها ما اقدرش اتجاهله انا ما اقدرش اعمل زي الناس اللي بتطنش في المواقف اللي زي دي واقول لها ما اعرفكش ….مش هعرف اعيش مش محبه فيها بس ده جزء مني

ساره ابتسمت بسخريه وقالت… اه وبتثق في الهانم زياده قوي لدرجه حتى ما فكرتش ان ممكن يكون مش ابنك

وحيد اتنهد وقال…. لا ابني …ومش ثقه بس مساله عقل..انا ورندا عرفنا بعض من الكليه انا اول واحد دخل حياتها انا راجل وعارف اني اول واحد ..هي اصلا مش من النوع ده هبه المساله غلطه مننا

ساره  قالت بدموع …ولما غلط ما صلحتش غلطتك واتجوزتها ليه

وحيد اتنهد بحزن قال….. لاني لا حبيت ولا هحب غيرك كمان انا ما خدعتهاش انا بعـ,,ــــشقك وهيه عارفهه كويس وكنت  بروح لها علشان انساكي وقالت لي ان ما عندهاش مانع قلت لها ما تستناش مني اي حاجه وكانت موافقه بس كل حاجه اتغيرت بما انها حامل ما اقدرش اسيبها فهمتي

ساره علت السرعه شويه وقالت بغيظ وهي بتجري اكتر…. انا اللي فهمته ان حضرتك اناني وعايز كل حاجه يعني عايز ابنك يفضل جنبك وفي نفس الوقت حب حياتك يفضل معاك ده طبعا اذا كنت بتحبني اصلا…. وعلت السرعه تاني بغضب

وحيد بقى يجري اكتر وقال بتعب… انتي عارفه ان انا بحبك و

بس اتفاجئ لما علت السرعه اكثر وقال وهو بينهج…ساره …انا مش هقدر على الرياضه دي كلها مش ….مش متعود عليها  زيك …هدي السرعه شويه يخرب بيتك

بس ساره ولا كأنها سمعته و قالت بغضب…. بني ادم مريض فاكر نفسك هارون الرشيدي تجري من اوضه الاوضه بمنتهى الاستفزاز فاكرني جاريه عند سيادتك …وبقت تعلي السرعه اكثر واكثر

وحيد بقى يحاول يجري قصادها ومش قادر قال و هو بينها جامد… يا بت هقع …والله هقع ..ساره بجد هقع والله س..ساره منك لله ااااااه
وفعلا وقع على الارض على ظهره وحط ايده على  دماغه بألم

ساره اتسعت عينيها بزهول والتفتتله  بس كانت الاله عاليه جدا ما لحقتش تسند نفسها ووقعت هي كمان
وحيد اتالم اكتر وقال…اااه  الله يخرب بيتك يعني مش كفايه وقعتيني كمان بتوقعي فوقي انا ناقص قطمة وسط

ساره قالت بغضب… ما هو ده كله منك مش كفايه   بوظتي لي التمرين

وحيد قال بغضب …نعم يا اختي ..بوظت لك التمرين ..ده انتي عملتي تمارين شهر لقدام قطعتي نفسي واقولك هدي شويه هقع هقع ما فيش فايده النشاط اوي عاجبك لما دلقتيني كده

ساره ضحكت جامد وقالت…علشان عاملي فيها جامد تستاهل تدلق

وحيد قال بغيظ …ما انتي كمان ادلقتي اهو

ساره قالت…علشان شتت تركيزي والسرعه كانت عاليه فطبيعي اقع

وحيد ابتسم  وقال ….على العموم هيه اجمل وقعه وقعتها في حياتي كلها.. وبص لعيونها وقال …مفيش اطعم ولا احلى من الوقعه دي ونفسي فيها من زمان …اااه يا ساره لو تدخلي القلب ده وتعرفي بيحبك قد ايه عمرك ما تقسي بالطريقه دي… لو تعرفي عاشقك من امتى ..واخذ نفس عميق وقال بحيره…انا نفسي ما اعرفش من امتى

نزلت دمعه من عيونها وقالت وهيه بتبص لعيونه …موجوعه اوي يا وحيد..في قلبي ن*ار مش عارفه تهدى ابدا

وحيد قال…. هتهدى صدقيني هتهدى انا هعرف اطمن القلب ده واخليه يعرف ان ما فيش غيره في حياتي
زقرب منها جامد

ساره خدت بالها لوضعهم و بعدته وقالت بذهول ..انت بتعمل ايه يا مجنون…لحسن حد يجي

وحيد قال…. مش هينفع ابعد دلوقتي يجي اللي يجي بقى وقرب منها تاني وهي بتقول بتوتر .. وحيد لا ابعد احنا في اوضه الرياضه بلاش جنان عمتي لأحسن تيجي

بس وحيد  مسمعش كلامها صرخت بالم وقالت بالم…. اااااه

وحيد بعد بسرعه وهو بيبص لها بلهفه وقال ساره مالك بس اول ما سابها دفعته وجريت بسرعه من الاوضه وهي بتضحك جامد وقالت عند الباب.. تعيش وتاخذ غيرها … وطلعت جاريه على اوضتها

وحيد جذب شعر لورا بزهول وغيظ منها ومش مصدق اللي عملته
ظهرت ابتسامه جميله على شفايفه واتنهد لما افتكر قربها وشقاوتها هز راسه بيأس وطلع جري وراها ودخل الاوضه وهو بيقول… ادينا جينا اوضتنا اهو ما لكيش حجه بقى

بس اندهش لما لقيها نايمه على السرير وبتصتنع النوم قرب منها وقال… ساره… ساره ما تستهبليش كده نمتي يعني…و فكر شويه واتنهد وقال بخبـ,,ــــث… ماشي طالما نمتي اروح لراندا بقى
ولسه هيتحرك مسكت ايده وقالت بسرعه ت…روح فين انت مش لسه جاي من عندها

وحيد ضحك جامد وقال..على  الاساس كنتي نايمه ولا ده حلم
قعدت على ركبها قصاده وحطت ايديها في وسطها وقالت …ليه انت فاكر ان شاء الله انك ممكن تنيمني وتروحلها براحتك انا عندي عيون في قفايا جرب بس تتحرك او ..
بس قاطعها لما قرب منها
وقال بهمس…. استعدي الطياره على وشك الاقلاع

ساره بلعت ريقها بارتباك وقالت اقلاع ايه هقلع عينك خليك بعيد عني

وحيد قربها منه تاني

بعد فتره كانت جنبه وبتبكي بصوت عالي زي الاطفال وبترمي مناديل في الارض بعد ما تستخدمها على انفها بطريقه مقززه
وحيد بص لها باشمئزاز وقال …يا بنتي ايه القرف اللي بتعمليه ده حرام عليكي بوظتي الاوضه طب حتى عرفيني بتعيطي ليه ونحاول نحل الموضوع بدل ما خلصتي مناديل الشهر كله

ساره بصتلو بغضب وقالت… يا سلام مش عارف انا بعيط ليه ازاي تستغلني كده

وحيد ضحك وقرب منها وقال بوقاحه…اصلك جامده اوي ومقدرتش اقاوم …بس متقلقيش اللي اتك*سر يتصلح انا لايمكن اسببلك فضيحه والناس لا قدر الله تعرف اني عملت كده مع مراتي … وقام وبقى يطلع له هدوم من الدولاب وهو بيضحك

ساره بصت له بغيظ وقالت… انت بتتريق يا وحيد

وحيد قال… اه طبعا بتريق ايه الهبل اللي بتقوليه ده انا جوزك اللي حصل ده اتأجل اصلا …قومي يلا ولمي المناديل دي خلينا ناخد شاور ونروق كده عشان الشوط الثاني

ساره قالت بغيظ… لا والله ده في احلامك ان شاء الله
وحيد  وقال… ااااه احلامي لو اقول لك على احلامي واللي بشوفه في احلامي اللي حصل ده تم من زمان في احلامي

ساره اتسعت عينيها بدهشه واحمرت خدودها بكسوف شديد ومبقتش عارفه تنطق

وحيد  ضحك وقرص خدها بخفه وقال… معقول بتتكسفي مني بعد كل ده

بعدت عيونها وقالت بكسوف اكبر..احم..محصلش حاجه اصلا..هو ايه اللي حصل يعني

وحيد ابتسم وقال بغمز…ابدا يا روحي انا بس كسبت الحرب ..وفتحت الدرب

ساره ضر*بتو في صدره بغضب وقالت خلاص بقى انت بتكسفني اكتر انا ما كنتش عايزه كده يحصل انت استغليت اني مقدرتش اقول لك لا

وحيد ابتسم  بحب وقال.. ومقدرتيش تقولي لا ليه …عشان بتحبيني ..بتحبيني اوي يا ساره..و انا كمان بعـ,,ــــشقك حرام نضيع اللي بينا علشان حاجات ما تستاهلش انتي دنيتي كلها يا ساره متحرميش قلبي من وطنو الوحيد

ساره لمعت عيونها بالدموع وضمتو بقوه وبقت تبكي بدموع وقالت… هتتجوزها لازم هتتجوزها صح عشان تكتب ابنك  هتبقى مراتك  زيها زيي و..وهتروحلها زي ما كنت معايا دلوقتي

وحيد اتنهد  بقوه وقال…حقك على قلبي.. انا عارف انها صعبه عليكي والله صعب عليا انا كمان انا ما بقتش عايز غيرك بس في حاجه واحده لازم تعرفيها مستحيل اي واحده تبقى زيك مستحيل  القلب ده مبقاش عايز غيرك انتي اللي بتتحكمي في دقاته على راحتك

عند راندا كانت بتكلم الدكتوره بغضب وبتقول… ايه اللي انتي قولتيه ده ليه  لازم اروح اعمل تحاليل مجنونه انتي احنا مش اتفقنا افرض عرف ان الولد سقط هعمل ايه ساعتها

وسمعتها شويه وقالت بغضب… انتي مالك ومالي افرض انا تعبانه ولا متنيله على عيني..متتصرفيش من دماغك انت قابضه فلوس ما توديش نفسك في داهيه ها

وسمعتها شويه وقالت…اسمعي كويس واعرفي اللي هتعمليه عشان لو غلطتي المره دي هتخسري كتير

عند  وحيد خرج من الحمام بعد ما استحمى وبدأ يلبس هدومه ويجهز

ساره  استغربت لما لقيته بيلبس قالت بابتسامه …على فين اوعى تقول لي هتاخدني وتفسحني

وحيد قرب منها وقال..ايه حابه تتفسح معايا
هزت راسها بايوه
وحيد قال..انا كمان هامـ,ـوت وافسحك..وفي قلبي اريحك

ساره دفعته بخفه وقالت بضحك..وحيد بس بقى

وحيد ضحك وقال…والله انا بجد حابب نخرج سوا ونتفسح دلوقتي بس…احم..بس يعني  انا رايح المستشفى..يعني  انتي سمعت الدكتوره الصبح لما قالت انا محتاجين نعمل تحاليل وفحوصات عشان نطمن على الجنين وكده مضطر اروح

ساره اختفت ابتسامتها وقالت بضيق… اه الجنين صح..احم  معلش نسيت طيب ربنا يطمنكم

وحيد اتنهد  بحزن عليها وقال ..احم ممكن تنزلي تقعدي مع ماما لحد ما اجي مش هتأخر

ساره حاولت تحبس دموعها و قالت..امم تمام هنزل..روح انت لأحسن تتأخر

وحيد اتنهد وقال..طب عايزه حاجه
حاولت تبتسم وقالت…لا..ابدا
واخذت هدوم ودخلت على الحمام وقفلت الباب وبقت تبكي بحزن شديد جدا

بعد شويه طلعت لقته نزل اتنهدت بحزن وطلعت هيه كمان عشان تقعد مع حمـ,,ـــاتها

كان وحيد تحت مع والدته مستني راندا تخلص لبس وساره كانت لسه هتنزل على السلم وقفتها راندا وقال استني يا حلوه يا اللي مبسوطه بنفسك مش تسلمي على ضرتك المستقبليه

ساره بصت لها بضيق شديد وقالت….  انا مش نقصاكي على المسا …ودماغي وجعاني مش قادره اتكلم يعني
و لسه هتمشي وقفتها تاني وقالت بتريقه … ايه ده بجد دماغك وجعتك معلش بقى هصدعك شويه اخرجي من حياتي انا ووحيد لانه بحبني من زمان واللي بينا كبير…. وحطت ايدها على بطنها وقالت ….كبير اوي وهيضيق عليكي عيشتك

ساره اتنهدت بغيظ شديد وقالت…اللهم طولك يا روح
ولسه هتنزل رندا مسكتها من ايدها وقالت بغضب.. استني هنا انا مش بكلمك

ساره شدت ايدها منها بغضب وقالت …سيبي ايدي انت اتجننتي و
بس اتصدمت لما لقت راندا طاحت على السلم وهتقع مدت ايدها بسرعه علشان تلحقها بس وقعت و اتدحرجت على السلم  للاخر

ساره اتصدمت بشده ونزلت جري وراها بخوف
ورندا صرخت بقوه وقالت ببكى ….اااااااااه الحقونييييييي
وحيد و مامته جم جري عليها واتصدمو بشده وحيد قرب منها بلهفه وقال بخوف… في ايه ايه اللي حصل

رندا بقت تصرخ جامد وقالت….  دفعتني من على السلم مراتك وقعتنيييي ابني يا وحيد الحق ابني

وحيده اتصدم واتجمدت مكانه وبقى يبص لساره بزهول

ساره كمان اتفاجأت وهزت راسها بالرفض وقالت ..لا لا والله لا

بس  ما كانش في وقت يسمعوها
وحيد  شال راندا وطلع بيها بسرعه على المستشفى

بعد وقت كانوا مستنيين كلهم قدام اوضه العمليات خرجت نفس الدكتوره وقالت بتوتر… للاسف المدام سقطت طبعا من الواقعه

ساره حطت  ايدها على بقها بزهول وصدمه

ووحيد قعد على اقرب كرسي وهو حاطط ايده على دماغه بحزن شديد ومش مصدق اللي حصل

بس انتبه على صوت امه بتزعق وبتقول بغضب… انتي مستحيل تكوني ست مستحيل تكوني انسانه اصلا

ساره بصيت لها بزهول وقالت…انتي  هتصدقيها يا عمتي انا  معملتش حاجه كنت واقفه على السلم وهي جات اتخانقت معايا و

قاطعتها وقالت بغضب… قومتي دفعتيها من على السلم… ازاي جالك قلب  روح بريئه  ملهاش اي ذنب حرام عليكي اللي عملتيه حرام

وحيد  قرب منها وقال بدموع… اديها فرصه تتكلم يا ماما يمكن

بس  قاطعته بغضب وقالت… انت تسكت معقوله حبك ليها عمى عنيك للدرجه دي اللي تقدر تعمل كده في طفل بريء لسه ما شافش الدنيا ما تبقاش امينه عليك ابدا

ساره  بصت لوحيد بدموع وقالت…. والله  ما عملت حاجه انت مصدقني صح والله انا كمان زعلانه على الطفل كمان صدقوني

وحيد اتنهد ولسه هيرد امه قالت… اه زعلانه عليه فعلا ..شوفي بقى يا بنت اخويا.. الغلبانه اللي جوه اللي  ابنها علشان تبعدها عن حياتك مش هتمشي وهتتجوز وحيد سواء رضيتي او ما رضيتيش حلو كده يا ساره

قالت كده ومشيت وسابتهم وساره بصت لوحيد بدموع ومشيت بسرعه

وحيد جري وراها ومسك ايدها وقال بحزن….رايحه فين
ساره قالت بدموع ماشيه يا وحيد مش هقدر استحمل اكتر من كده اذا كان ده تفكير عمتي فيا اكيد انت كمان ..

وحيد قاطعها وقال بسرعه….انا عمري ما اشك فيكي يا ساره وهكلم ماما صدقيني هيه بس كانت متمنيه الطفل ده علشان كده متعصبه ارجوكي انا هحل الموضوع

ساره قالت بدموع ..لا متحلش شا وحيد…انا تعبت  تعبت ومش هقدر استحمل سامحني …انت خليك جنب راندا هيه فقدت ابنها وايا كان السبب هتبقى تعبانه قوي ومحتاجك

مسك في ايدها وقال بدموع ….يا ساره انا ..