صدمة سارة الحزينة

بس قطع كلامه لما سمعوا راندا بتصرخ بصوت عالي وبتبكي جامد وبتقول ابني ابنيييييي وديته فين عايزه ابنيييييي

وحيد بقى يبص للاوضه ومحتار يروح ولا لا
بس ساره ابتسمت بوجع ومسابتلوش مجال للحيره ومشيت بسرعه

وحيد بقى يبص لطيفه بدموع
ولسه هيحصلها جات الدكتوره وقالت..استاذ وحيد ارجوك تيجي معانا المدام فاقت ومش بتهدى ابدا

وحيد اتنهد بحزن وراح معاها بسرعه على اوضة رندا

عدى اسبوعين ووحيد اخذ راندا على البيت وكانت بتصطنع انها مصدومه جدا وفي حاله صدمه عصبيه حاده وكانت دايما بتقول ان ساره هي اللي سقطتها

وحيد ووالدته كانوا متعاطفين معاها جدا رغم ان وحيد كان مصر ان ساره متقصدش تعمل كده و كان متخيل انهم شدوا مع بعض فهي وقعت من غير قصد

بعد الأسبوع الاول كانوا حددوا ميعاد كتب الكتاب ووحيد كان حزين جدا ونفسه قوي يرجع ساره و يشوفها بس كانت حاله راندا مخلياه يأجل الموضوع لحد ما تخف شويه وكان كل يوم يتصل بيها كتير جدا بس مش بترد عليه ابدا

اما ساره فضلت طول الاسبوعين دول  في اوضتها مش بتكلم حد ولا بترد على حد وحالتها النفسيه صعبه جدا بتحاول تعيد افكارها تاني وتفكر اذا كانت ممكن تكون دفعتها من غير قصد حاسه بذنب رهيب تجاه الطفل اللي مـ,,ـــات وطبعا حزن شديد جدا على حبيبها اللي فقدته

عند وحيد  كان قاعد مع والدته وقال…ماما  فين الكريدت كارت بتاعي اللي اديتهولك امبارح

والدته قالت…. اه ده انا اديته لراندا عشان اشتريت شويه حاجات

وحيد اتنهد بخنقه وقال…. ماما انتي مش ملاحظه انها بتصرف كثير

امه  قالت بحزن …معلش يا ابني البنت مصدومه ولنص الليل بتعيط

وحيد اتنهد بضيق وقال ….والله انا ما عارف الصدمه داخلها ايه بالصرف ده كلو…بس مش مهم انا عايز الكريدت دلوقتي

امه قالت …هي حطته في الدرج اللي جنب السرير على طول قالت يمكن تحتاجه مره ثانيه

وحيد اتنهد وقال…. طب ناديلها خليها تروح تجيبه

والدته قالت… هي معاها مكالمه في الجنينه انا صدقت ما طلعت من اوضتها

وحيد اتنهد بخنقه وقال….خلاص انا هطلع اجيبه

وبالفعل طلع اوضتها وبقى يفتش في الادراج بيدور على الكريدت …ولمعت عيونه بالدموع لما شاف بعض صور الايكو للطفل مسكها و بقى يتفرج عليه بحزن وقال…رغم كل التعب اللي حسيتو من وقت ما عرفت بيك…لكن كان نفسي تتولد واشوفك

>ولسه هيقفل الدرج بس وقعت عينه على ورقه مكتوب فيها تقرير طبي عن اجهاض الطفل واتسعت عينيه بزهول شديد لما شاف التاريخ بتاعها

راندا دخلت من الجنينه وقالت… امال وحيد فين يا ماما

امه  قالت…. اه يا حبيبتي طلع يجيب الكريدت بتاعتو من عندك اصلو محتاجها

رانده اتصدمت بشده ولعنت غبائها وقالت بغضب وخوف …. هو….هو ازاي يطلع اوضتي يفتش فيها كده…وطلعت جري بسرعه على الاوضه

وحيد كان ماسك التقرير ومصدوم جدا ومش مستوعب اللي فيه
رندا  اول ما طلعت دفعت الباب ووقفت بزهول لما شافت الدموع نازله من عيونه وبلعت ريقها بخوف

وحيد قرب منها وقال بصدمه… ايه ده …ها ايه ده

رندا قالت بدموع…انا ..انا هفهمك كل حاجه انت عارف ان انا ..انا بحبك و

وحيد مسكها من دراعاتها بغضب وقال …انتي ايه يا حيوانه…الطفل مـ,,ـــات من قبل ما تيجي الفرح ابني مـ,,ـــات قبل ما اعرف بيه
وساره ما كانتش لها دخل ورطتيها بالشكل ده انبسطتي بالكلام اللي زي السم اللي امي سمعته لها ازاي اتهمتيها تهمه زي دي ايه الحقاره اللي بتمشي في دمك دي

رندا  قالت بدموع…لو معملتش  كده ما كنتش هتتجوزني..انا بحبك انا فرحت قوي لما عرفت اني حامل كنت مستنيه الحمل يثبت ويستنى عليه اربع شهور ولا خمسه حتى اجي اقول لك عشان ما تقوليش سقطيه بس ما استناش نزل في الشهر الثالث انا اسفه مكانش عندي حل تاني

وحيد  دفعها بغضب شديد وقال… اه اسفه اسفه دي هترجع لي مراتي اللي زعلتيها ..ولا الوقت اللي خدعتيني فيه ولا  ليله فرحي اللي بوظتيها …عارفه يا راندا انا كنت بحس بالذنب تجاهك اوقات للني خليتك تتعلقي بيا وتحبيني بس  الحمد لله  اثبتيلي انك عمرك ما حبيتي ولا هتحبي غير  نفسك وبس ….انا هروح ارجع مراتي..لو رجعت لقيتك هنا هاهين كرامتك ده اذا كان عندك كرامه

وسابها ونزل جري ورندا جذبت شعرها بصدمه وبقت تك*سر كل حاجه حواليها

وحيد كان طالع جري  والدته قالت…. فيه ايه يا ابني ايه اللي بيحصل

وحيد ادالها التقرير وقال ….ده اللي حصل يا ماما عشان تعرفي انتي عملت ايه وغلطتي في ايه انت كمان اقريه واقري التاريخ كويس
وطلع جري ركب عربيته وطلع بسرعه البرق وسابها واقفه مصدومه من اللي في الورقه

عند  ساره كانت قاعده في اوضتها بحزن ودخلت والدتها وقالت بالحزن شديد…. يا بنتي اطلعي حتى شمي هوا ولا اقعدي في الجنينه انا خايفه عليكي من حبستك دي

ساره قالت  بدموع…. ماما لو سمحت سيبيني ارجوكي

امها اتنهدت وقالت …طب كلي لقمه معانا

ساره قالت بدموع.. معلش يا ماما والله ما لي نفس

امها طلعت وهي بتتنهد وبتقول بحزن… لا حول ولا قوه الا بالله

ساره كانت ماسكه تليفونها وبتقلب في الصور بتاعته بدموع وثالت…مفكرتش تيجي تسأل عني مره يا وحيد…على  العموم براحتك طول عمرك واطي

بس  اتصدمت بصوته وقال… واطي ربنا يكرم اصلك يا زوجتي العزيزه

ساره اتسعت عينيها بدهشه والتفتت ناحيه الباب لقيته واقف مسنود عليه بايده وقال …وحشتك انا مش كده وغمز وقال…عارف نفسي حراق… واللي يفوتني يوم يشتاق

ساره كانت مصدومه جدا ووقفت بسرعه وقالت… انت انت دخلت هنا ازاي

وحيد ابتسم ودخل وقفل الباب وراه وقال حمـ,,ـــاتي حبيبتي دخلتني وفتحت لي الباب ده كمان

ساره كان نفسها تترمي بين اديه بس كانت متعصبه منو قالت… اطلع من هنا انا مش عايز اشوفك
وحيد قال بدهشه…معقوله ده ككلام تقابل بيه حبيبك بعد الغيبه دي يا صرصوري القمر ..ده انا حتى جايب لك اخبار حلوه

ساره قالت بغضب… لا والله وايه بقى الاخبار الحلوه اللي ممكن تيجي منك بقى ..رندا حامل تاني

وحيد ضحك وقال….هو حبيبك جامد بس مش للدرجه يعني دول اسبوعين …و قرب منها وشدها وقال …هرجعلك بيتك يا اميرتي هنعيش انا وانت اخيرا

ساره قالت بغضب ….شوف بقى اول حاجه سيبني ..تاني حاجه انا مش هاجي على ضره ..تالت حاجه انا اقسم بالله ما ليا دخل بمـ,ـوت  الطفل ده ولا..

بس قاطعها لما حط ايده على بقها بسرعه وقال…ما كانش فيه طفل اصلا ..الطفل سقط من قبل ما تيجي الفرح انا عرفت كل حاجه النهارده

ساره اتسعت  عنيها بصدمه وقالت… انت بتقول ايه

وحيد ابتسم وقال..زي ما بقولك ضحكت علينا…انا طردتها دلوقتي وجيت فورا عشان ارجعك

ساره  ابتسمت بسعاده… لان الولد ما كانش موجود اصلا واتنهدت بارتياح لانها كانت حاسه بذنب تجاهه بس بصت لوحيده بغضب وقالت ….لا والله مشيتها وجاي ترجعني وبقالك اسبوعين مسالتش عليا وـ,,ــــفاكر ان انا كده هفرح وارجع معاك ده بعدك ويعينك انا نسيتك اصلا ومبقتش افكر فيك و

بس قاطعها لما فرب منها جامد
بعد وقال… رغايه قوي يا سوسو بس وحشتيني وحشني رغيك وجنانك …هو انا ما وحشتكش يا بت ولا ايه

ساره بصتلو بدموع  وقالت…. ما هو اللي وجعني انك وحشتني قوي و اني مش قادره اشيلك من قلبي اللي عايز ضر*بو بالجزمه ده

وحيد ابتسم ابتسامه جميله وقال….والله قلبك ده بيفهم مش زي صاحبتو

ساره بصتلو بدهشه وهو ضحك وقال..قصدي يعني انو قلبك ده حظي من الدنيا…ربنا يديمها عليا نعمه

ساره  قالت بدموع….انا مش هينفع ارجع معاك بعد اللي حصل

وحيد اتنهد وقال..لو علشان كلام والدتي..فهيه كمان عرفت اللي حصل …قلت لها ومشيت علشان اجيلك
بس قبل ما ادخل عندك جاتني رساله منها  انها سابت البيت قالتلي انها مش هترجع خالص مش هتقدر تواجهك بعد اللي عملته وطلبت مني اقول لك انها بتحبك قوي ولو قدرتي في يوم تسامحيها هت..هتمـ,ـوت مرتاحه… دي رساله وكان لازم اوصلهالك

ساره بصتلو بزهول وقالت ….وانت ازاي تسمح لها تمشي

وحيد قال بحزن…. بقولك بعتت لي الرساله حالا ومش بترد على تليفوناتي

ساره مسكه ايده وقالت….. طب يلا بينا بسرعه زمانها راحت على بيتها القديم هنروح نلحقها على هناك ونرجعها البيت

وحيد قال بابتسامه…. يعني انتي سامحتينا وهترجعي معايا

ساره اتنهدت وقالت….يا وحيد مامتك عمتي وربتني مع ماما ايد بايد ..اكيد مش هتمشي من بيتها بسببي ولا يمكن ازعل منها للدرجادي..و انت كمان  وقفت معايا يوم اللي حصل وقلت ان انا ما اعملش كده مع انك كنت زعلان على ابنك …كفايه رغي خلينا نرجع مامتنا  مش هرجع البيت من غيرها