By MR10 كويس يا أمي الحمد لله انا شغلي ماشي تمام في الشركة
الام
ربنا يوفقك ياعلي ياحبيبي ويعينك يا ابني انا عارفه ان الحمل تقيل عليك اوي ياضنايا معلش بكرة ربنا ياخدني ويريحني من اللي انا فيه ده
على
بعد الشر عليكي ياحبيبتي والنبي يا أمي ماتقولي الكلام ده انا والله مش هستحمل عليكي اي حاجة ده انا هاروح فيها لو حصل لك حاجة
الام
بعد الشر عليك ياضنايا انا اهم حاجة عندي انك تكون بتعمل الصح في شغلك يابني انا عارفة انك ماسك الحسابات يعني فلوس الناس في ايديك يعني تحافظ عليها يابني خاف ربنا يا علي عشان خاطري يابني
على بحزن
انا يا أمي الحمد لله بخاف ربنا كويس جدا وبعمل اللي بيمليه عليا ضميري متقلقيش خالص من اي حاجة
الام
طيب ياحبيبي ريحت قلبي ياعلي يابني
وبعدها بوقت على قال لأمه
انا نازل يا أمي رايح مشوار مهم جدا مش محتاجة مني حاجة وانا راجع من برة
الام
لا ياحبيبي خلي بالك من نفسك انت بس انا كويسة ياعلي
على
ماشي ياحبيبتي يلا سلام
ونزل على وراح علي فيلا كمال وقال للشغالة
من فضلك انا عايز اقابل كمال بيه قولي له على
الشغاله
حاضر يابيه اتفضل حضرتك لحد لما ادي له خبر
وبعد شوية كمال نزل وقاله
في ايه يا علي هو في حاجة حصلت ولا ايه
على
في الحقيقه يا كمال بيه انا معرفتش اتكلم معاك الصبح في الشركة وقولت اجي اتكلم مع حضرتك هنا احسن يعني هاكون على راحتي
كمال
امممم انا برضو حسيت انه في حاجة بالزات لما هشام اخويا دخل علينا واحنا بنتكلم خير ياعلي قول اللي عندك علطول في ايه
على
احم اصل الصراحة كده يا فندم في حاجات بتحصل في الشركة من وراك وكان لازم حضرتك تعرفها وانا مكنش ينفع اسكت اكتر من كده ولا ابيع الراجل اللي لحم كتافي من خيره
كمال
انا مش فاهم حاجة ما تدخل في الموضوع علطول انت مستني ايه
على
في الحقيقه يافندم انا وهشام بيه كنا متفقين انه هو يلعب في الأوراق بتاعت الحسابات لحسابه ويغير في الورق وهو لما قالي انا في الأول وافقت عشان كنت محتاج فلوس اعالج امي لكن بعد كده اكتشفت اني مش هينفع اعالج اني بفلوس حرام لما اخون حضرتك اللي اصلا ولي نعمتي
كمال
ااه يعني انت وافقت وبعد كده ضميرك صحي فقولت ايه تيجي تحذرني مش كده
على
صدقني يافندم انا مش عايز اعمل حاجة حرام ولا اعمل حاجة غلط عشان كده جيت لحضرتك بنفسي
كمال
وانا هسامحك عشان شهامتك دي ياعلي بس انا كان ليا عندك طلب واشوف بقا انت توافق عليه ولا لا
على
وانا تحت امرك يافندم طلب ايه ده
كمال
انا كنت عايزك تتجوز بنتي ياعلي بس هي ااا يعني أصلها معاقه وانا كنت عايزك تتجوزها بصراحة لقيتك شاب محترم وانا معجب باخلاقك جدا عشان انا قولت مش هلاقي واحد ااتمنة على بنتي غيرك قولت ايه
على
هو حضرتك عايزني اتجوز بنتك المعاقه طيب هو انا ممكن اعرف ايه هو نوع الإعاقة بالظبط
كمال
هي عندها اعاقه ذهنية وكمان مش بتمشي على رجليها ياعلي بس انا خايف عليها اوي وقولت انت اكيد اللي هتحافظ عليها
على
هو انا يافندم يشرفني طبعا اني اناسب ساعتك بس يعني ااا انا اااا
كمال
انت ايه ياعلي على العموم انا ممكن اديك فرصة تفكر في الموضوع وترد عليا ايه رايك
على
ااا تمام يافندم ماشي اذا كان كده معنديش اي مانع انا افكر وهبقا ارد على حضرتك
كمال
تمام ياعلي وبالنسبة للكلام اللي انت قولته على هشام انا هعتبر نفسي مسمعتش حاجة ولا هجيب له سيرة خالص بس خليك انت بعيد عشان لما اجيبة في الخيه يبقا لوحده ماشى ياعلي
على
تحت امرك يافندم ممكن امشي انا بقا
كمال
اتفضل ياعلي روح انت ومتنساش تفكر في الموضوع اللي قولت لك عليه وترد عليا
على
حاضر
ومشي على رجع البيت وحكي لأمه كل اللي حصل وقالت له
ده ايه الراجل الغريب ده يا علي هو ازاى يطلب منك طلب زي ده هو يعني عشان مش لاقي حد يتجوزها يقوم لزق لك بنته
على
انا مش عارف اعمل ايه يا أمي بس انا محتار اوي وخايف أرفض الراجل ده يرفدني من شغلي
الام
وهو يرفدك ليه ياحبيبي وبعدين دي الأرزاق بتاعت ربنا وانت لو شايف انه هو يستاهل انك تضحي بمستقبلك كده وافق عشانة
على
هو اداني مهلة افكر يا أمي وربنا يسهل ان شاء الله عشان انا بصراحة مش مرتاح للموضوع ده خالص فانا هسيبها على الله هو انتي مش دايما تقولي لي وكل ربنا في كل حاجة
الام
طبعا يابني ونعم بالله وانت لو شايف انه فيها خير يبقا توافق وربك هيعينك اكيد
وبعدها على فضل يفكر في الموضوع وفي يوم رجع البيت ملقاش امه وراح جري على هشام وقاله
وديت امي فين ياهشام بيه
هشام
وانا مالي ومال امك يا علي اكونش مخبيها في جيبي ولا حاجة ماتظبط كده
على
انا رجعت ملقتش امي في البيت يبقا راحت فين يبقا انت اكيد خطفتها
هشام
وانا هخطف امك اعمل بيها ايه ياعلي الله ماتعقل بقا وبعدين انت جاي تتهمني الاتهام ده ليه
على
لانك خطفتها لما عرفت اني قولت لكمال بيه على موضوع الورق
هشام
اهاااا يعني انت اللي قولت لكمال وبلغتة ياعلي اما انت طلعت واطي بصحيح
على
انا مش واطي يا هشام بيه انا عملت اللي بيمليه عليا ضميري وانا ضميري ماسمح ليش اني ابيع الراجل اللي بشتغل عنده
هشام
لا ياشيخ بقا هو الموضوع كده ماشي ياعلي اقابل بقا اللي هيجوا لك مني
على
طيب قولي وديت امي فين ياهشام بيه
هشام
انا امك دي معرفش حاجة عنها زي ما قولت لك بس انا دلوقتي اتمنى اني كنت الاقيها عشان خاطر احرق قلبك عليها اوعي من وشي
قال كلامة وسابه ومشي وعلى فضل يقول
ياترى انتي روحتي فين بس يا أمي
ولاقي السكرتيرة بتاعت كمال بتقوله
استاذ علي كمال بيه عايزك في مكتبه دلوقتي حالا
على
يوووه هو انا ناقصه هو كمان هوووف
السكرتيرة
بتقول حاجة يا استاذ علي
على
لا مش بقول حاجة اتفضلي روحي قولي له اني جاي وراكي
وبعدها راح لكمال وكان على حزين كمال قاله
ايه ياعلي مالك كده شكلك حزين كده ليه يابني هو في حاجة حصلت ولا ايه
على
ابدا يافندم مفيش حاجة اصل امي مش لاقيها رجعت البيت ملقتهاش خالص وسالت هشام بيه عنها قالي انه ميعرفش عنها حاجة وانا هتجنن عليها
كمال
بتدور عليها ليه ياعلي هو مفيش حد بلغك ان امك في المستشفى بتتعالج انا الصراحة وديتها اكبر مستشفى في البلد لأنها كانت محتاجة علاج
على بفرحة
انت بتتكلم بجد يافندم يعني امي كويسة وبخير طيب هي فين عايز اروح اشوفها ارجوك قولي بسرعه انا قلقان عليها
كمال
براحة ياعلي يابني والله والدتك بخير ودلوقتي هنروح لها انا وانت نطمن عليها
وراح علي وكمال عند ام علي وقالت له لما شافته
على ياحبيبي يابني انت كنت فين ياعلي بقا كده متسالش عني كل ده
على
معلش يا أمي اصل انا لسه عارف دلوقتي من كمال بيه
الام
اه يابني ده كمال بيه ده راجل ابن حلال دينا يبارك فيه ويشفي له بنته يارب
على
انا انا مش عارف اقول لحضرتك ايه بس ياكمال بيه والله انا لو عشت عمري كله مش هقدر اوفي لك حقك
كمال
متقولش كده ياعلي يا ابني انا من اول لحظة وانا بعتبرك زي ابني بالظبط
على
ده شرف ليا والله يافندم وعشان كده انا مستعد اتجوز بنت حضرتك وهعاملها بما يرضي الله وهخلي بالي منها والله
كمال
يااه وانت قررت فاجأة كده ليه ياعلي اما انك غريب جدا يا اخي
على
اصل الصراحة لقيت ان حضرتك تستاهل كل خير وتستاهل ان الواحد يعمل اي حاجة عشان ساعتك بجد والله
كمال
وانا يابني هديك بنتي اللي هي حتة مني ولازم تحافظ عليها ماشي
على
انا هحطها في عنيا والله يافندم
وبعدها ام علي خفت وخرجت من المستشفى وراحت الفيلا مع علي وكمال جاب المأذون وكتب كتاب على على ليلى بنته وقاله
انا كده بسلم أغلى حاجة عندي ياعلي يلا يا بني اطلع فوق العروسة مستنياك
على
طيب هو انا مش هاشوفها ولا ايه
كمال
ماهي فوق يابني اطلع لها يلا
وطلع على وكانت رجليه بتقدم خطوه وترجع خطوه وبعدها فتح الباب ودخل وهي كانت قاعده ومدياه ضهرها ومغطية وشها ودخل قال
احم ااا مساء الخير
وهي مش بترد اتكلم تاني وقال
اخبار ايه انتي كويسة
هي هزت راسها بالموافقه كمل على وقال لها
طيب هو انتي ممكن تشيلي الطرحة من على وشك عشان عايز اشوفك وكده ههههه ماهو انا من حقي اشوفك برضو انتي بقيتي مراتي ممكن اشيل الطرحة
هي هزت راسها بالموافقة وعلى كان بيشيل الطرحة بايدة براااحة خالص وبعدها ليلى بصت له على اتصدم ورجع لورا وقال لها
انتي ايه هااا اا انتي ايييه هو في ايه
ليلى قالت له بهدؤ
ايه مالك في ايه انت مخضوض كده ليه
على
اص اص اص اصل ابوكي قالي انك انتي اااا يعني إلا هو انتي ازاى كده ها ازاى
ليلى
ازاى ايه بس هو في ايه انت بتعمل كده ليه هو انت تعبان ولا ايه
على
انا انا اصل احم هو في حاجة غلط في الموضوع ده صح قولي لي انه في حاجة غلط مش كده برضو
ليلى ضحكت وقالت
ههههه انت مجنون ولا ايه اقعد بس خليني نتكلم انت اسمك على مش كده بابا قالي علي اسمك
على