عرفت سر اختي

وهنا قولتله بخوف وقلق (انت عملت لها ايه اختي مالها؟!)

رد عليا الشيخ عبد الرحيم وقال (حسب الله وانعم الوكيل في كل ساحر ومتجبر اقعد يابني وانا هفهمك)

قعدت قدامه بعدم فهم وبعدها قالي (اختك في حد منه لله عمل لها سحر وسحر وحش اوي كمان كان مسـ*ـلط عليها جن مهمته استنزاف طاقتها لحد ما تمـ,ـوت بس إحمد ربنا انك لحقتها قبل الشهر ده مايخلص)

كنت بسمعه وانا في حاله صدمه وزهول، مين ممكن يعمل كده في اختي، وليه دي اختي طوب الارض بيحبها لله في لله كده ياترى مين بس..

وهنا انا قولتله (ممكن تقولي اسمه ارجوك عاوز اعرف مين اللي عمل فيها كده)

رد الشيخ وقال (انا معرفش اسمه بس هو شخص قريب منها ومن حكم انه قريب منها كمان بيغير ويحقد اوي عليها واختك بتحبه كمان اوي واكيد الجن ده كان بيظهر لها بشكله علشان يستدرجها لبيته وبعدها يسحب طاقتها على شكل سبات لمده معينه)

وهنا انا افتكرت كل حاجه حصلت مع اختي، لما شوفت صحبتها ساره اخدتها على البيت المهجور في بلدنا، يعني ده كان جن مش صحبتها، علشان كده اختفي جوه البيت، يعني ساره هي دي سبب في حاله اختي، وكانت عاوزه تمـ,ـوتها كمان بالسحر..

تمام انا هفرجك ياساره هعمل فيكي ايه، كنت بفكر في ده كله، وانا سارح قدام الشيخ عبد الرحيم وفقت على صوته وهو بيقول (انا هساعدك يابني ربنا اكيد بعتك ليا في الوقت ده علشان الحق اختك من اللي هي فيه وان شاء الله هتخف وترجع احسن من الاول كمان)

فرحت من كلامه وقومت شكرته، وبعدها اخذت اختي ورجعنا البيت، وتاني يوم روحت عند بيت ساره ودخلت عندهم، وفضحتها قدام عيلتنا والناس كلها كمان، بعد ماحكيت كلام الشيخ اللي قاله ليا، وقولت لها لو قربت من اختي تاني انا هندمها اوي، وهي طبعا خافت لانها اتكشفت وظهرت حقيقتها…

وبعدها رجعت البيت، وفضلت انا وامي جنب اختي بتعمل لها اللي قاله لنا الشيخ عبد الرحيم، لحد ما الحمد لله اتحسنت عن الاول كتير، ومن وقتها وانا بقيت زي ظلها وكل مشوار اطلع معاها، وحتي صحابها كنت بسئل عنهم ميه مره قبل ماسمح لها انها تصاحبهم، لانها طبعا اختي وامانه ربنا عندي ليوم الدين…

وكمان بعد شهر سمعت خبر اللي صدمني، ان صحبتها ساره ماتت بطريقه غريبه اوي، فضلت تضعف تضعف لغايه ما ماتت، وهنا انا عرفت ان ربنا انتقدم منها وسحرها رد عليها هي، ومـ,ـوتها وده اللي تستاهله فعلا…

وكده تبقى قصتي خلصت واتنمي انها تكون عجبتكم واخذتم منها عبره.. اهلكم واخواتكم وابنائكم امانه ربنا سابها في رقبتكم ليوم الدين ولازم كلنا نحافظ عليهم من شر العباد المؤزيه في الدنيا وكمان طريق الشر والسحر ده وحش اوي وأخرته لازم تكون المـ,ـوت وهتمـ,ـوت كافر بدين ربك كمان واتمني اللي عجيته القصه يقول رأيه فيها لو حابين اكتب لكم قصص مفيده مثلها كمان وشكرا لوقتكم وطول بالكم معايا