By YW 
عملوا ليا عمل
علي منديل فرحي
وقبل ما نبدا الحكايه اعرفكم بنفسي انا جومانا
عندي 30 سنه وفي يوم كنت قاعده وحماتي
عامله تقول لماما
الحما
جرا ايه يا حبيبتي مش فاهمه انتي بتعملي
كده ليه كأنها اول مره تتجوز
اشحال بنتك كانت متجوزه قبل كده واطلقت
بعد فرحها ب اسبوع
الام
والله وانتي عارفه سبب طلاقها اي
جوزها كان بيشرب وانتي عارفه ومتاكده كويس
اوي ان عمري ما بقبل بالكلام ده
الحما
الله اعلم يا حبيبتي هو احنا نتاكد من الكلام
ده ازاي شوفتي يعني كنا شوفنا ب عنينا
الام
لو مش واثقه من كلامنا يا حبيبتي يبقا خلاص نفضها سيرة وكل واحد يروح لحاله احسن
الحما
والله نفسي بس ابني ابن العبيطه ماسك لي
في بنتك معرفش علي اي المهم خفوا علي الواد شويه انا ماشيه
وبعدها مشيت حماتي ولقيت ماما بتقولي
الام
انا مش فاهمه انتي ماسكه في الواد
ده كده ليه حرام عليكي يا بنتي والله
اللي بتعملي في نفسك ده
جومانا
عايزني اعمل اي اسيبه يا ماما انتي شايفه
كل الناس خايفه تقرب من البيت
هنا بسبب اللي حصل وان أطلقت
علي طول ارجوكي بقي خفي عليا شويه
وبعدها دخلت الاوضه وخرجت شيماء اختي
شيماء
هو انتي عايزاها تفضل قاعده مانتي عارفه ان
مافيش اي عريس بيجي يتقدم لينا بسبها ما تسبيها تتجوز وتروح بعيد عننا
جومانا
بقا كده يا شيماء انتي عايزة تخلصي مني هو انا مش اختك برضو ولا ايه
وسبتها ودخلت اوضتي وهي قالت
شيماء
لا انتي اختي وكل حاجة بس انا بتكلم يعني ان ده هيبقا في مصلحتك ومصلحتنا ياحبيبتي
الام
والله يا شيماء هي صعبانه عليا اوي الله يكون في عونها والله
شيماء
الله يكون في عونا احنا ياختي لو بنشوف
منك شويه حنيه زي اللي نشوفك بتديهم ليها ده بس اقول ايه هي اللي على الحجر مش كده برضو
وبعدها وانا كنت قاعده في اوضتي
وبدأت افتكر اللي حصل زمان
#فلاش باك
جومانا قاعده مع سمير جوزها الأواني قبل الفرح بيومين
جومانا
هو فيه ايه بالظبط انت مالك يا سمير بقيت متغير كده معايا وحتى وانت قاعد معايا ما بتتكلمش خالص
سمير وهو عامل يهرش في مناخيره
مالي يعني يا جومانا ما انا طبيعي اهو المهم انت كلمتي باباك في موضوع القاعه زي ما اتفقنا ولا لا
جومانا
لا ده واضح ان انت مش مركز معايا خالص ده ثالث مره اقولك اللي حصل اه بابا موافق يشيل معاك نص القاعه بس هو انا عايزه اعرف هو انت وديت الفلوس فين انت كان معاك الفلوس كلها
سمير
بعدين بعدين انا همشي دلوقتي علشان خاطر حاسس اني تعبان شويه وبعدها مشي وانا روحت البيت
الام
ايه يا بنتي في ايه هو سمير ما جاش معاكي برده علشان خاطر يتغدى هو الولد ده ماله الفتره دي
جومانا
مش عارفه والله يا ماما انا حاسه ان هو متغير كمان بس انا مش قادره افهم هو في ايه
الام
يمكن يا حبيبتي يكون متوتر علشان الفرح قرب وكده يعني ما تشغليش بالك وبعدها فعلا تم
الفرح بسرعه وبعد ما روحنا لقيت سمير بيقولي
سمير
الاوضه بتاعتك كانت ادخلي غيري بقى
عقبال ما اجي لك
جومانا
هو انت كويس انا مش عارفه ليه حاسه
ان فيك حاجه
سمير بغضب
هو في ايه بالظبط انت كل شويه تقوليلي الكلام ده اسمعي الكلام يا جومانا يلا وادخلي غيري هدومك وبعدها دخلت
وخرجت ولقيت حاجه بيضه علي وشه
جومانا
هو في ايه بالظبط ايه اللي في وشك ده يا سمير
سمير
في اي أنا بحاول اكون مبسوط انهارده
اي ممنوع اكون مبسوط ولا اي انا حاسس
الدنيا كلها طايره بيا وبعدها نام في الصاله
وتاني يوم كنت بصحي فيه
سمير
في ايه يا جومانا بتصحيني بالطريقه دي ليه كده
جومانا
اتفضل قوم افتح لاهلي عمالين يخبطوا بقى لهم كثير وانا عماله اصحي فيك
سمير
اي ده معقول اللي انا فيه ده انا نمت
بهدومي ولا اي ازاي الكلام ده
جومانا
والله اسال نفسك انا عايزه اعرف انت مالك الفتره دي
سمير
هو احنا نفضل نتكلم ونسيت الناس علي الباب
ولا اي اوعي كده علشان اغير
هدومي وبعدين نشوف وبعدها
فتح والكل كان ملاحظ أنه قاعد ساكت
وبعد ما مشيوا
سمير
بقول لك ايه يا حبيبتي انا شايف باباك ومامتك بيدوكي فلوس كثيره نقطه هي فين الفلوس دي
جومانا
وانت عايزها ليه يا سمير الفلوس دي بتاعتي انا وهتفضل معايا انت ناسي ان علينا حاجات كثيره قوي انا عايزه اسدها
سمير
خليها بعدين يا حبيبتي وبعدين نبقى نشوف الموضوع ده هاتي بس الفلوس دلوقتي عشان انا عايزها
جومانا
لا طبعا ما حدش هياخد الفلوس دي مني وانا هسيبت الحاجات اللي علينا انا عايزه اعرف بالظبط ايه اللي فيك
سمير
بقولك اي هو احنا هنفضل نتكلم كتير ولا
اي هاتي الفلوس قولتك وبعدها خدها غصب
عني ونزل ورجع ب اكياس بيضه وفضل يشم فيها
جومانا
يا نهار مش معدي اي اللي انت بتعمله
ده حرام عليك انت ازاي تعمل في نفسك كده
سمير
ارجوكي وطي صوتك مش عايز حد يسمعنا
والله انا هبطل بس مش دلوقتي
جومانا
ده حصل من أمتي انت ازاي تعمل في نفسك
كده
سمير
بقولك اي انتي اخرسي خالص ولا حر اعمل
اللي انا عايزه وامشي قدامي بقي وبعدها فضلت اعيط ولقيته داخل عليا وهو تايه وقال
سمير
انتي هتفضلي منكده علينا كده ما تقومي ياختي تلبسي حاجة كويسة كده ده انتي واحده مقرفه بصحيح
جومانا
انت ازاى تتكلم معايا كده يا سمير ااه ما انت مش في واعيك بقا ولا داري بحاجة بقولك ايه امشي غور من هنا هو انت اصلا عارف تصلي طولك
سمير
انتي بتقولي انا الكلام ده طب وحياة امك ما أنا سايبك الا وانتي جــ,,ـثة
ونزل فيا ضر*ب ضر*ب لحد لما كانت روحي هتروح وفضلت اسرخ واقولك
جومانا
ابعد عني طلقني انت بني آدم معندكش احساس امشي بعيد عني انا مش قاعده معاك دقيقه واحده بعد النهاردة
سمير
ماشي ياختي لو عايزه تمشي بقى وتخرجي بره البيت امشي بس عايز اقولك انك انت هتفضحي نفسك وهتفضحي اهلك معاكي انا لسه مقربتش منك يعني فضيحة ليكي
جومانا
فضيحة ليا ولا ليك انت يا مدــ,,ـمن ياشمام انا خلاص مش فارق معايا حاجه غير ان انا اخرج من البيت ده وانا مش عايزه اعيش معك انا مش عارفه ازاي وافقت واتجوزت واحد زيك ازاى
ورجع تاني ضر*بني جامد وبعدها جريت على بيت ابويا
قاعده انا وماما وبابا واخواتي
شيماء
وانت جيتي على هنا ليه بقى بعد ما هو خلاص اتجوزتيه انتي كده هتخلي الناس كلها تتكلم علينا يا حبيبتي ولا انتي مش واخده بالك انك كده عملتي فضيحة