By YW 
جومانا
يعني بعد اللي انا حكيتة ده كله كنتي عايزاني اعمل ايه يا شيماء اقعد معاه بعد اللي قولت لكم عليه ده انا مش عارفه ايه اللي خلاه يخش في السكه دي اصلا ده بقا واحد تاني مش قادر يسلب طوله من الهباب ده
الاب
سيبك منها يا جومانا يابنتي وبعدين انتي ايه الكلام الغريب اللي انت بتقوليه ده يا شيماء انتي عايزة اختك تفضل معاه وهو كده لااا انا هرفع عليه قضيه وهحبسه باللي هو فيه ده
شيماء
يا بابا لو سمحت بلاش تكبر الموضوع لان كده هيجي فوق دماغنا احنا وانت عارف كلام الناس ما حدش هيسابنا في حالنا خالص
الام
اخرسي يابت انتي خالص انا مش عايزه اسمع
صوتك وبعدين هو انتي قاعده معانا هنا ليه ادخلي جوا
شيماء
انا غلطانة خليها تغرقكم وانتو امشوا وراها انتو حرين بقا انا عملت اللي عليا وخلاص
وبعدها دخلت
الام
طب ايه رايك يا ابو جومانا تروح وتتكلم معاه وتخليه يتعالج ما هو برده شيماء عندها حق ولو البنت اتطلقت الناس كلها هتقعد تتكلم علينا
الاب
انا اهم حاجه عندي سلامه بنتي انت عارفه اللي بيتعاطى القرف ده ممكن يعمل في مراته ايه وانا مش مستعد اضحي بنتي وهرفع عليه قضيه وهحبسه وفعلا بابا عمل كده أطلقت
وبعدها عشت في البيت عندو
من يومها محدش فكر يجي يتقدم ليا ولا لوحده من اخواتي لحد ما زميلي في الشغل اتقدم وانا وافقت عليه وكان انسان محترم
#باك
الام
ايه يا جومانا انتي قاعده سرحانة في ايه كده يابنتي بقولك ايه متاخديش على كلام اختك الهبلة دي انتي عارفاها طول عمرها دبش كده
جومانا
مش زعلانة ولا حاجة يا ماما وهي كمان عندها حق يعني اللي هي قالتة ماهي عندها برضو بسببي انا مفيش حد راضي يتقدم لها
الام
ولا يهمك يا بنتي من كلام اي حد خالص اوعي تحطي في نفسك انتي فكري في اللي جاي وانا متأكدة ان عمر انسان كويس اوي ومحترم
جومانا
اه والله يا ماما هو فعلا كده بس هي مامتة اللي صعبه حبتين ربنا يستر واعرف اعيش معاها بس في البيت
الام
إن شاء الله كله هيعدي ويبقا تمام
جومانا
ده عمر بيرن عليا انا هرد اشوفو يا ماما
وخرجت ماما وسابتني وقولت
الووو ايوه يا عمر انت عامل ايه
عمر
الحمد لله يا حبيبتي بقولك ايه انا جبت اوضتة النوم خلاص ان شاء الله تيجي تتفرجي عليها وةلو حابه انك تيجي
جومانا
انا مش هاجي يا عمر وبعدين طالما انت شوفتها وانت اللي جايبها على زوقك انا واثقه في زوقك
عمر
انا بس نفسي افرحك يا حبيبتي والله واشارك معاكي في كل حاجة على العموم اللي تشوفيه يا قلبي
جومانا
طيب انا كنت هاروح احجز فستان الفرح هستناك تيجي معايا ماشي
وبعدها قفلت معاه ودخلت امه عنده وقالت له
الام
يا حلاوتك بقا انا قاعد عمال تحب لي في السنيورة وانا بره عماله انادي عليك وانا مش بترد
عمر
الله هو جرا ايه بس يا امي هو انا كنت سمعت يعني ما أنا بتكلم في التليفون
الام
انا مش عارفه انت عاجبك فيها ايه البت دي دي حتى ولا شكل ولا منظر دي بنت خالتك احلى منها بكتير
عمر
تاني هنتكلم في الحوار ده قولت لك كذا مره بنت خالتي دي ولا فارقه معايا ولا في دماغي انا نفسي في واحدة زي جومانا بنت مفيش زيها
الام
قصدك المطلقه اللي رجعت بيت ابوها بعد اسبوع جواز ياخبتي في ابني
عمر
ياماما حرام عليكي اللي بتقوليه عنها ده هي مالها في اللي حصل وانها اتجوزت واحد ندل ومدــ,,ـمن زي اللي كان متجوزها ده
الام
بقولك ايه انا عارفه اني مش هخلص منك انا عارفه روح يا حبيبي للسنيورة بتاعتك
وجه يخرج من اوضتة ولاقي هبه بنت خالته قاعده وقال
عمر
اهلا يا هبه انتي هنا وانا اقول البيت منور ليه ده ايه النور ده
هبه
بجد يا عمر انا منورة ربنا يخليك ليا يارب
عمر
عن اذنكم انا ماشي ومشي وهبه قالت
هبه
ها يا خالتي عملتي ايه معاه برضو متمسك بالبت اللي اسمها زفته جومانا دي هي البت دي مالها عماله له ايه بالظبط ابنك من ساعة لما شافها وهو اتجنن واتعبل عليها كده
الخاله
والله يابنتي انا ما عارفه هو عامل كده ليه فعلا ربنا يهديه يمكن تجي لها شوطة تأخدها قبل الفرح ونخلص منها
هبه
اللي زي يا خالتو لازم تحصلها مصيبة تجيب أجلها بس ماشي
وبعدها جه سوم الفرح وعندنا في البيت ماما قالت لي
الام
مشاء الله طالعه زي القمر يا حبيبتي والله خمسة عليكي
جومانا بحزن
ربنا يخليكي ليا ياماما انا عارفه انك بتجامليني اكيد
شيماء
طبعا بتجاملك اومال ايه ماهي امك كده دايما شيفاكي غزال في عيونها وقمر 14
الام
اخرسي يابت هو انتي مفيش فايدة في لسانك ده بس انا عايزة اعرف يا جومانا عمر كان عايز يعمل فرح وانتي رفضتي ليه واكتفيتي انكم تكتبوا الكتاب وتروحوا على البيت
جومانا
فرح ازاى بس يا ماما هو انا لسه اول مره اتجوز يعني عشان اعمل فرح
الام
ايوه يابنتي بس انتي لسه بنت يعني ده لسه…… وجات تكمل لقت شيماء قاعده قالت لها
قومي يابت انتي اطلعي بره هو انتي كل حاجة حاشرة نفسك وسطنا كده
شيماء
وانتي فاكراني صغيرة ومش فاهمة حاجة على العموم انا سيباها معاكي وخارجة وقولي لها الكلام اللي هي عايزة تسمعه
وخرجت شيماء وماما قالت
الام
اسمعي يا جومانا عمتك قالت لي انا وابوكي على حاجة هننفذها بعد ما تروحي بيتك
جومانا
حاجة ايه يا ماما قولي في ايه
الام
بصي هي بتقول يعني اننا ناخد المنديل بتاعك بعد ما تدخلي ونوريه للناس اللي ونخرس لسان اي حد اتكلم عليكي كلمة كده ولا كده وانا وابوكي الصراحة لقينا انها عندها حق
جومانا
طيب وده هيفرق في ايه ماهي الناس مش هتبطل كلام يا ماما كده ولا كده الناس بتتكلم اصلا على العموم اعملوا اللي انتو عايزينو
ودخلت عمتي وقالت
العمة
خلصتي يا جومانا ولا لسه اصل العريس جه تحت يلا عشان تروحي على بيت جوزك بقولك ايه يا عفاف قولتي لها على اللي ناوين نعمله
عفاف
قولت لها يا مديحة يلا بقا ننزل
مديحة
ماشي يلا وعلى العموم انا عزمت كل سلايفي على الفرح وقولت لهم ان الفرح في البيت عند العريس كمان عشان يشوفوا المنديل بتاعها اصلهم كانوا بيتكلموا عليها
عفاف
قطع لسان اي حد يجيب سيرة بنتي بحاجة يا مديحة يلا يا حبيبتي عشان العريس هيزهق يلا بينا
وبعدها روحت مع عمر البيت وكلهم فضلوا مستنين المنديل لحد لما نزله عمر وماما مسكتة والكل بقا يزرغط وفي وسط الفرحة المنديل اختفى من ايد ماما وهي مش واخده بالها وبعدها عمر قال
عمر
مبروك يا عروسة متعرفيش انا فرحان اد ايه والله اخيرا بقيتي
جومانا
للدرجة دي بتحبني يا عمر انا كنت بتمنى راجل زيك كده والحمد لله ربنا عوضني بيك
عمر
وانا اخدت عهد علي نفسي اني اخليكي اسعد واحده في الدنيا يا حبيبتي
وبعدها نمنا وفي نص الليل صحيت لقيت زي شيطان نايم جنبي وفضلت اسرخ واقول
جومانا
الحقني يا عمر يا عمر في شيطان جنبي هنا على السرير انت فين يا عمر
عمر
في ايه يا جومانا وايه الكلام الغريب اللي انتي بتقوليه ده انا عمر يا حبيبتي
جومانا
لا لا لا انت مش عمر انت شيطان ايوه انت شيطان ابعد عني ابعد عني انا مش عايزة اشوفك ابعد عنييييي اااااه
وفجأة اغمى عليا وجات حماتي تخبط وفتح لها وقالت
الام
ياساتر يارب هو في ايه يابني هو السريخ والتصويت ده جاي من عندك هنا ولا ايه
عمر
الحقيني ياماما جومانا قامت من النوم فضلت تسرخ وتصوت وتقول عليا شيطان ونايم جنبها وبعدين اغمى عليها
الام
اعوزو بالله ده ايه الكلام الغريب ده يابني تعالي لما ادخل اشوف في ايه
وبعدها فوقوني وانا شوفته تاني وفضلت اسرخ وحماتي قالت
الحما
انتي ايه اللي انتي بتعمليه ده والنبي ما شيطان الا انت بقا انا ابني شيطان ياشيخة حرام عليكي
عمر
استني بس يا ماما لما نفهم
جومانا
ابعدوا عني ابعدوا عني امشوا بررره يلا اطلعوا بررره اااه اااه
وسابوني وخرجوا وحماتي قالت لعمر
الام.
يادي المصيبة على الجوازه السودة بقا هي دي يابني اللي انت كنت عايز تقضي عمرك معاها هي دي بتقول عليك شيطان
عمر
ارجوكي يا ماما تهدي وبلاش كلامك ده انا حاسس انها كانت شايفه كابوس ولا حاجة
الام
كابوس هو انت لسه بتدافع عنها بنت المجانين دي
عمر
ماما لو سمحتي انزلي شقتك وانا لو في حاجة انا هبعت لك
الام
طيب يا عمر انا غلطانة اني طلعت لك اصلا انا نازله خليك بقا مع المجنونة دي بس خاف على نفسك ياضنايا
وسابتة ونزلت وهو نام على الكنبة وانا صحيت الصبح وخرجت من الاوضة وقولت له
جومانا
عمر انت ايه اللي منيمك هنا يا حبيبي تعالي ندخل اوضتنا
عمر
جومانا هو انتي بتتحولي ولا ايه في ايه
جومانا
انت بتتكلم عن ايه يا عمر انا مش فاهمة حاجة
عمر
لا اصل امبارح كان……… لا لا ولا حاجة الظاهر انك كان معاكي كابوس يلا ندخل اوضتنا
ودخلنا وبعدها دخلت الحمام وبفتح الحنفيه لقيت نازل منها ماده حمرا سرخت وقولت
جومانا
اعاااااااااا يا عمررر الحقنيييي ياعمر تعالي شوف اللي نازل من الحنفيه شوووف
عمر
اشوف ايه يا جومانا في ايه اللي نازل من الحنفيه مايه عاديه اهي انتي خايفه من أيه بس
جومانا
مايه ايه لا دي حاجة تانية في حاجة حمرا نازله منها شوف وبتبص لعمر لقته شيطان وقالت
انت انت جيت تاني امشي ابعد عني ابعد عني انت شيطان مسخ انا مش عايزة اعيش معااااك ابعد عنييييي
ورحت جريت على البلكونة وكنت هرمي نفسي وعمر مسكني وهو بيقول
عمر
انتي بتعملي ايه يا مجنونة انتي ارجعي انتي اتجننتي ولا ايه ارجعي حرام عليكي بقا يا شيخة
جومانا
ابعد عني ابعد عني انا مش عايزاك انت شيطاااان شيطاااان اعاااااااا
وفضلت اسرخ وعمر قال بزهق
عمر
دي مبقتش عيشة دي يا شيخة
وسابني ونزل عند امه اللي قالت وهي بتض*رب على رجلها
الام
يامصبتي السودة يامصبتي انت اتجوزت واحده مجنونة ياعين امك عشان انت مسمعتش كلامي ومشيت ورا واحده زي دي
عمر بضيق
الله يخليكي يا ماما مش وقته كلامك ده خالص انا اتصلت بابوها وامها وهما جايين دلوقتي
وفعلا دخل بابا وماما وقالوا
الاب
في ايه يا عمر يابني انت جبانا على ملا وشنا ليه كده ايه اللي حصل
عمر
انا جبتك يا عم ابراهيم عشان تشوف بنتك وعمايلها معايا كل دقيقه والتانية الاقيها تبص لي وتفضل تسرخ وتقول شيطان شيطان واخرته المتمة كانت هترمي نفسها من البلكونة
الحما
قولو لنا بقا هي بنتكم مجنونة ولا عقلها في حاجة
عفاف
ايه الكلام اللي انتي بتقوليه ده يا ام عمر انا بنتي زي الفل ومفيش الكلام اللي بتقولي عليه حرام عليكي
الحما
وهو انا جبت الكلام ده من عندي بقولكم ايه بنتكم عندكم شوفوها مالها وايه اللي كل شوية تقول على ابني شيطان شيطان بقا ده اسمه
ابراهيم
انا عارف انها ملهاش حق يا ام عمر انها تعمل كده بس احنا هنتكلم معاها ونشوفها مالها
وطلعوا عندي وانا كنت بعيط واقول
جومانا
والله يا ماما انا ماعارفه انا ايه اللي بيحصل لي لما بشوف عمر انا بحس بحاجة غريبة اوي بتحصل وفعلا بشوفوا شيطان قدامي
إبراهيم
طيب وبعدين يابنتي في اللي بيحصل ده بقا انتي ليه كده ماهو ماينفعش اللي انتي بتعمليه ده
الام
انتي كده هتخلي الناس تاكل وشنا يابنتي بعاميلك دي
جومانا
خلاص يا ماما انا مش هعمل كده تاني
وبعدها فضلت فترة على كده برضو وحماتي اتخانقت معايا خناقة كبيرة وعمر كلم ابويا وجه خدني وماما قالت
الام
يا ميلت بختي ياني دي الناس مش مبطله كلام علينا الناس جرستني في السوق خلاص بقينا لبانة في بوق الكل
شيماء
مش انا قولت لكم انها فقر وهتجيب لكم العار انتو مصدقتونيش اشربوا بقا
جومانا
حرام عليكم كفايه كلام بقا في الحكاية دي انا تعبت والله انت عايزين مني ايه يا ماما انتي وبابا يعني اخلص علي نفسي عشان ترتاحوا مني
عفاف
اهدي كده واسكتي خالص اسمع ياابراهيم انا حاسه ان بنتي معمول لها حاجة فانا هاخدها لشيخ يشوفها
ابراهيم
ايه الكلام الفاضي بتاعك ده يا عفاف شيخ ايه وبتاع ايه بطلي الكلام ده
عفاف
ابطل ايه بقولك بنتك معمول لها حاجة والله صدقني
وبعدها فعلا ماما خدتني لشيخ وقال
الشيخ
بنتك معمول لها سحر قوي والسحر ده مدفون اللي عارفه مكانه اللي عملته له
عفاف
ياساتر يارب طيب وليه يعني تعملها العمل ده ده بنتي طول عمرها غلبانة وفي حالها
الشيخ
مش شرط ياحجة ياما في ناس الغل والحقد بياكلهم من جواهم ودايما شايفين اللي احسن منهم يستحقوا الأذية
عفاف
طيب مين اللي عملت كده
الشيخ
الله أعلى واعلم بس هي واحده قريبتكم اوي وقريبة منكم ودايما بتدخل بيتكم على العموم انا هاقولك على شوية حاجات تعمليهم لها وان شاء الله خير
بعدها رجعنا البيت وفضلت على كده ايام في بيت بابا اسرخ بالليل وأصوت ومحدش عارف في ايه ووشي دبل جدا من كتر التعب وفي يوم جات لي سالي صاحبتي وقالت
سالي
ازيك يا خالتي عفاف عامله ايه وجومانا عامله ايه دلوقتي هو اللي انا سمعته ده صحيح
عفاف
ايوه يابنتي جومانا تعبانة اوي الله يكون في عونها وعونا
سالي.
ربنا يشفيها يارب يا خالتي الا هي شيماء فين انا كنت عايزاها في كلمتين كده
ودخلت سالي لشيماء وقالت لها
سالي
ازيك يا شيماء عامله ايه تعرفي انك وحشاني اوي
وفي بيت عمر امه قالت له
الام
هو انت هتفضل سايب البت دي على ذمتك يابني طلقها واخلص
عمر
انا لا يمكن أطلقها ياماما وبعدين ما انتي سمعتي حماتي وهي بتقول انها ودتها لشيخ وقال على اللي عندها وانها معمول لها حاجة
هبه
وهو انت بتصدق الكلام ده برضو ده اكيد ملعوب منهم هما عشان انت تفضل متدبس في الجوازه دي
عمر
بقولك ايه يا هبه لو سمحتي ملكيش دعوة انتي سبيني في حالي ارجوكي انا مش ناقص
هبه. بتمثبل
شوفتي ابنك ياخالتي مش طايقني ازاى طيب انا غلطانة ياعمر انا همشي دلوقتي انت حر بقا خليك مع المجنونة اللي انت متجوزها دي
ومشيت وعمر قال
عمر
بعد اذنك يا ماما انا طالع شقتي ومش عايز اي كلام في موضوع مراتي تاني انا واثق انها هتبقا كويسة
وعندنا في البيت شيماء قالت بصدمة
شيماء
انتي بتقولي ايه يا سالي انتي اتجننتي ولا ايه انتي ازاى تتهميني بالشكل ده
سالي
انا متهمتكيش يا شيماء انا بقول اللي شوفته ساعة لما كانت امك ماسكة المنديل بتاع جومانا وانتي خطفتيه من ايديها من غير ماهي تحس وجريتي بيه على مهران الدجال انا شوفتك بعيني
شيماء وسكتت وافتكرت لما راحت لمهران وقالت
#فلاش باك
شيماء
اسمع بقا يا مهران انا عايزة العمل ده مايفكش ابدا انا جبت زي ما انت قولت لي اهو
مهران
ماشي يابنت الابالسة هو ده المطلوب انا بقا هخلصها علطول وتروحي تدفــ,,ـنيه في المقابر عشان يلحق يشتغل علطول
شيماء
يلهوي وانا هاروح المقابر ازاى في وقت زي ده يا راجل انت
مهران
متخافيش ما انا هبعت معاكي حد يعمله معاكي انتي خايفة ليه كده
وبعدها فعلا بعت معاها حد ودفــ,,ـنته
#بااااااك
شيماء انهارت واعترفت قدام ماما وبابا وقالت
ايوه انا انا اللي عملت فيها كده عشان هما دايما مفضلنها عليا في كل حاجة وفي الاخر تتجوز جوازه كويسة وانا لسه قاعده زي ما انا
الام
تقومي تاذي اختك بالشكل ده حرام عليكي يابنتي
ابراهيم
بقا انتي تعملي في اختك كده قدامي يابنت الكلب عند النصاب اللي عمل لك القرف ده يلا قدامي
وراحت هي وبابا ومهران الدجال عند ا المقابر والمكان اللي مدفون فيه السحر وخرجوه وشيماء اختي اتجننت وبابا بلغ عن مهران واتسجــ,,ـن وعمر جه وقالي
عمر
حمد الله على السلامة يا حبيبتي انا كنت عارف انها مشكلة وهتعدي
جومانا
حقك عليا يا عمر انا اسفه على اللي كنت بعمله معاك بس والله كان……..
عمر
هووووش متكمليش انا عارف انه كان غصب عنك يا حبيبتي احنا من النهارده لازم نفتح صفحة جديدة مع بعض
وجات حماتي وقالت
الحما
ربنا يهديكم لبعض يابني على العموم انا مش هزعل منك يا جومانا وهعتبرك من هنا ورايح زي بنتي
وفعلا من بعدها وانا عشت مع عمر وامه في سعاده ودلوقتي انا حامل ومستنية ابننا والحمد لله ربنا عوضني خير لاني صبرت كتير
وبكده تكون خلصت حكايتي
🌟 موقع رواية نيوز | أحدث الأخبار والروايات الحصرية 🌟
يُعد موقع رواية نيوز واحدًا من أبرز المواقع العربية المتخصصة في الأخبار والروايات، حيث يجمع بين المصداقية في نقل الأخبار والإبداع في سرد القصص والروايات. يهدف الموقع إلى تقديم أخبار حصرية تهم القارئ العربي في مجالات متنوعة مثل الأخبار الفنية، والرياضية، والسياسية، والثقافية، بالإضافة إلى قسم خاص لعشّاق الروايات العربية والعالمية.
في موقعنا، نحرص على نشر أحدث الروايات الرومانسية، والدرامية، وروايات الرعب والغموض بأسلوب شيّق يجذب القارئ من السطر الأول. كما نوفّر تحديثات يومية حول أخبار المشاهير، وعالم السينما، والمسلسلات، وأحدث الإصدارات الأدبية، ليبقى الزائر دائمًا على اطلاع على كل جديد.
نهتم في “رواية نيوز” بتجربة المستخدم، لذا صممنا الموقع ليكون سهل التصفح وسريع التحميل سواء على الهاتف أو الكمبيوتر. كما نستخدم تحسين محركات البحث (SEO) لضمان ظهور مقالاتنا في نتائج البحث الأولى عند كتابة كلمات مثل أخبار اليوم، روايات جديدة، قصص حب، روايات غموض، أخبار الفن، روايات مصرية، روايات خليجية، روايات عربية مترجمة وغيرها.
يُعتبر “رواية نيوز” منصة متكاملة تجمع بين متعة القراءة وسرعة الخبر، وتوفر للكتاب الشباب فرصة لنشر أعمالهم الأدبية لجمهور واسع من القراء. تابعنا يوميًا لاكتشاف أحدث الروايات الحصرية وآخر الأخبار الساخنة من العالم العربي والعالمي، لأننا في “رواية نيوز” نؤمن أن الخبر فن، والرواية حياة.